"Nasaf" klubi "Ahal" ustidan qozonilgan g‘alabadan so‘ng yaxshigina pul ishlab oldi va jamoaga yana bonus ham taqdim etiladi

"Nasaf" OFK kubogi doirasida "Ahal" jamoasi ustidan g‘alaba qozonib (3:2), qoida bo‘yicha 100 ming AQSh dollariga ega chiqdi.

O‘yin yakunida Qashqadaryo viloyati hokimi Zoyir Mirzaev ham jamoaga 100 million so‘m ajratadigan bo‘ldi. Bu haqda viloyat hokimligi matbuot xizmati xabar berdi.

- Bu g‘alabalar ortida yurt sha’ni va nufuzi turibdi. Rag‘bat va tilak esa futbolchilarni yanada harakatchan bo‘lishga, g‘alaba sari olg‘a borishga undaydi, - dedi tabrik so‘zida Zoyir Mirzaev.

OFK "Nasaf" - "Ahal" uchrashuvi g‘olibi, ya’ni yarim final ishtirokchisiga 100 ming AQSh dollari miqdorida mablag‘ beradi.