"Насаф" "Пахтакор"га тенглашиб оладими ёки фарқ ошадими? Суперкубок баҳсига оид муҳим маълумотлар
Бугун Ўзбекистон Суперкубоги ўтказилади. Унда "Пахтакор" ва "Насаф" ўзаро беллашади. Учрашувга Жиззах шаҳри мезбонлик қилади. Баҳс 19:30да старт олиши белгиланган.
Ўйиндан олдин Суперкубокка оид маълумотларни тақдим этамиз.
Ўзбекистон Суперкубоги 1999 йили ташкил этилган. Унда кубок соҳиби "Навбаҳор" Фарғонада чемпион "Пахтакор" билан беллашган ва 4:2 ҳисобида зафар қучган. Ўйинга "Нефтчи" стадиони мезбонлик қилган, 6000 мухлис баҳс шоҳидига айланган. Бу Суперкубокда энг кўп гол урилган ўйин ҳисобланади.
Суперкубок йўлга қўйилгану, лекин давом эттириш жуда қийин кечган. Сабаби 2000-2013 йиллар ўйинлар ўтказилмаган.
2014 йили кубок ва чемпион саналган "Бунёдкор" олий лигада 2-поғонани банд этган "Локомотив" билан куч синашган ва "қалдирғочлар" битта тўп фарқидаги ғалабага эришган - 2:1. Ўйин Тошкентдаги "Жар" стадионида ташкил этилган. 4751 ишқибоз аренага келган.
Кейинги йили кубок эгаси "Локомотив" чемпион "Бунёдкор" ўйингоҳида 7200дан ортиқроқ мухлис қаршисида чемпион "Пахтакор"ни 4:0 ҳисобида тор-мор келтирган.
2016 йили "Насаф" ҳам кубокни қўлга киритгач, чемпион "Пахтакор"ни мағлубиятга учратган 1:0. Ўшанда "Бунёдкор" стадионига 4748 ишқибоз ташриф буюрган.
2017-2018 йиллар Суперкубок ўтказилмаган. 2019 йили Суперлига ғолиби "Локомотив" кубок соҳиби АГМКни 2:1 ҳисобида таслим этган. Беллашув "Пахтакор" стадионида 18000 мухлис қаршисида ўтказилган. Бу энг кўп томошабин ташриф буюрган ўйин ҳисобланади.
2021 йили "Пахтакор" қора анъанага барҳам бериб, “Насаф”ни Самарқандда доғда қолдирган. Ягона гол “шерлар”га илк суперкубокни тақдим этган. 4000 мухлис шоҳидлигидаги баҳс тақдирини Драган Чераннинг голи ҳал қилди.
Бир йил ўтиб Яйпанда яна “Пахтакор” ва “Насаф” тўқнаш келди. 7 мингдан ортиқ мухлис қаршисидаги ўйинда Самарқанддаги сценарий такрорланган. Ўша 1:0 ҳисоби, гол муаллифи Драган Черан.
Кўриб турганингиздек, "Локомотив" ва “Пахтакор” Суперкубокда 2 бор зафар қучган ҳолда ушбу совринни энг кўп қўлга киритган жамоалар ҳисобланади. "Навбаҳор" ушбу кубокнинг биринчи эгаси бўлса, охирги марта "Пахтакор" Суперкубокни кетма-кет икки марта ўзиники қилган. "Бунёдкор" ҳамда "Насаф" бир мартадан совринга эришган.
|
Йил |
Ғолиб |
Ҳисоб |
Мағлуб |
Стадион |
Томошабин сони |
|
1999 |
Навбаҳор (Наманган) |
4 : 2 |
Пахтакор (Тошкент) |
Нефтчи, |
6000 |
|
2000—2013 |
Ўтказилмаган |
||||
|
2014 |
Бунёдкор (Тошкент) Ўзбекистон кубоги соҳиби 2013 |
2 : 1 |
Локомотив (Тошкент) |
Жар, |
4751 |
|
2015 |
Локомотив (Тошкент) |
4 : 0 |
Пахтакор (Тошкент) |
Бунёдкор, |
7216 |
|
2016 |
Насаф (Қарши) |
1 : 0 |
Пахтакор (Тошкент) |
Бунёдкор, |
4748 |
|
2017 |
Ўтказилмаган |
||||
|
2018 |
Ўтказилмаган |
||||
|
2019 |
Локомотив (Тошкент) |
2 : 1 |
АГМК (Олмалиқ) |
Пахтакор, |
18000 |
|
2020 |
Ўтказилмаган |
||||
|
2021 |
Пахтакор (Тошкент) |
1 : 0 |
Насаф (Қарши) |
Динамо, |
4000 |
|
2022 |
“Пахтакор” (Тошкент) Ўзбекистон чемпиони 2021 |
1:0 |
“Насаф” (Қарши) Ўзбекистон кубоги соҳиби 2021 |
Фарғона, Ўзбекистон |
7215 |
Фикрлар