"Насаф" пойтахтнинг учинчи клубини ҳам мағлубиятга учратиб, кумуш медални қўлга киритди

Ўзбекистон Суперлигаси 25-тури доирасида "Бунёдкор" "Насаф"ни қабул қилди. Турнинг марказий баҳси ўз номига лойиқ бўлди.

Ўйинни ҳужумлар билан бошлаган меҳмонлар 9-дақиқада Марко Станоевичнинг голидан сўнг олдинга чиқиб олишди. Биринчи таймда томонлар навбати билан ҳужум ташкил қилишди, биров дарвозабонлар аниқ ўйнаб, ҳимоячиларга имконият беришмади.

Иккинчи таймда "Бунёдкор" кўпроқ ҳужум ташкил қилди, "Насаф" эса қарши ҳужумга таянган ҳолда ўтказди. Бироқ Неъматов ва Абдулжалилов сейвлари сабаб ўйинда бошқа гол киритилмади.

Шу билан "Насаф" 25 турда 52 очко тўплаб 2 поғонани эгаллади, "Бунёдкор" эса 42 очко жамғарган ҳолда 4 ўринда қолди.

Ушбу баҳс сайтимиз томонидан матнли трансляция қилинди.