“Навабаҳор” Туркияда қайси жамоаларга қарши майдонга тушади?

Янги мавсумга тайёргарлик кўраётган Наманганинг “Навбаҳор” жамоаси Туркияда йиғин доирасида қайси клубларга қарши майдонга тушиши маълум бўлди. Бу ҳақда клуб матбуот хизмати ўзининг расмий саҳифасида хабар берди.   

“Аввалроқ хабар берганимиздек, жамоамиз аъзолари қишки ўқув-машғулот йиғинининг навбатдаги босқичини ўтказиш учун Туркияга учиб кетишган эди. Ушбу йиғин 2 босқичда давом этиши режалаштирилган. 

Унда асосий эътибор ўйин амалиётига қаратилади ва бир нечта назорат-синов учрашувлари ўтказилади.

“Лочинлар”нинг Туркиядаги барча спарринг рақиблари ҳамда ўйинлар саналари маълум бўлди ва қуйидагича кўринишда: 

18 январь "Напредак" (Сербия) 
22 январь "Малишева" ФC (Косова) 
28 январь "ФC Pelister" (Шимолий македония) 
8 февраль "Рубин" (Казан) 
12 февраль "Актобе", "Балтика"
16 февраль "Динамо" (Тбилиси)

Туркиядаги машғулотларда футболчиларга куч-қувват, бўлажак назорат-синов баҳсларида эса омад ёр бўлишини тилаймиз.

Изоҳ: 12 февраль куни иккита ўйин ўтказиш режалаштирилган. Шу боис "Актобе" ва "Балтика" жамоалари қайд этилмоқда”, дейилади берилган хабарда.