"Navbahor" - "Paxtakor" o‘yini qaerda o‘tkaziladi?

Bir necha kun avval, Coca Cola Superligasida birinchi davra bahslari yakunlandi. "Paxtakor" OChLda ishtirok etishi bois, chempionatdagi ayrim o‘yinlarni vaqtliroq o‘tkazishi e’lon qilindi.

Jumladan, "sherlar"ning "Navbahor"ga qarshi o‘yini 1 sentyabr kuni bo‘lib o‘tadi. PFL "Paxtakor"ning xalqaro maydondagi o‘yinini inobatga olib, mazkur bellashuvni yaqinroq hududda o‘tkazilishini ma’lum qilgandi.

Biroq uchrashuvni Namangandagi "Markaziy" stadioni qabul qiladigan bo‘ldi. Ayni paytda Shota Arveladze shogirdlari Namanganga etib borgan. Bellashuv ertaga 19:00da boshlanadi.