“Навбаҳор” - “Сўғдиёна” учрашувининг ҳам вақти ўзгарди

ЎФА биринчи вице-президенти Умид Аҳмаджонов Наманган шаҳридаги стадионнинг қайта фойдаланишга топшириш маросимида иштирок этади.

Хабарингиз бор, “Навбаҳор” клуби ўзининг уй учрашувларини ўтказувчи стадион майсаси талаб даражасига келтирилди. Ундаги илк расмий беллашувни кўплаб футбол мухлислари интизорлик билан кутишмоқда. 4 май куни “Навбаҳор” мана шу стадионда Жиззахнинг “Сўғдиёна” клубини қабул қилади. Суперлигасининг 7-туридан жой олган учрашув очилиш маросими нуқтаи назаридан кеч соат 19:00да бошланади.

Аввалроқ ЎФА биринчи вице-президенти Андижондаги “Соғлом авлод”нинг қайта очилишида ҳам иштирок этганди. Бунгача эса у Сурхондарёга ташриф буюриб, “Сурхон” футбол клуби томонидан амалга оширилаётган ишларни кўздан кечирганди.