Хабарингиз бор, Coca Cola Суперлиганинг 10-13-турлар баҳслари марказлашган ҳолда, Тошкентда ўтказиладиган бўлди. Мазкур ўйинларга тайёргарлик олиб бораётган “Навбаҳор” аъзолари машғулотларда астойдил тер тўкмоқда. Андрей Канчельскис шогирдлари бугун ҳам машғулотни давом эттирди.

“Лочинлар” бугунги тайёргарлик жараёнини “Марказий” ўйингоҳнинг захира майдонида олиб боришди. Унда Ўзбекистон миллий терма жамоасига жалб этилган футболчилардан ташқари, жамоанинг барча аъзолари иштирок этди.

Клуб матбуот хизматининг хабар беришича, жамоанинг коронавирус инфекцияси сабабли, изоляцияга олинган футболчиси ҳам маълум муддатли карантиндан сўнг, бугунги машғулотда қатнашди. Аммо клуб айнан қайси футболчи вирусдан тузалганини очиқламаган.

Матнда хатолик топсангиз, ўша хатони белгилаб, бизга жўнатинг (Ctrl + Enter)