"Навбаҳор"да таништирув маросими қачон ўтказилиши маълум бўлди

Янги мавсумга катта умидлар билан тайёргарлик кўрган “Навбаҳор” ўз таркибига бир қатор иқтидорли футболчиларни қўшиб олди.

“Лочинлар” ўзларининг янги футболчиларини оммага таништириш маросимини 4 март куни Наманган шаҳридаги “Навбаҳор” марказий стадионида ўтказишни режалаштирган. Ушбу тадбир соат 16:00 да бошланади.

Эслатиб ўтамиз, “Навбаҳор” янги мавсумдаги илк учрашувни 9 март куни ўз майдонида “Сўғдиёна” жамоасига қарши ўтказади. Ўйин 18:30 да бошланади.