"Навбаҳор"даги легионерлар юртларига жўнаб кетишди
Наманганликлар Суперлиганинг биринчи даврасини 21 очко билан 4-ўринда якунладилар. Айни пайтда эса «Навбаҳор» Ўзбекистон Лига Кубоги доирасидаги учрашувларига эътибор қаратган. Лекин жамоа аъзолари ушбу ўйинларда тўлиқ таркиб билан иштирок этмаяпти.
Боиси шундаки, «Навбаҳор»даги легионерлар – россиялик Игорь Голбан, Иван Соловьёв, Александр Касьян ҳамда сербиялик Славко Лукичлар ўз юртларига қайтиб кетишган. Суперлигада биринчи давра тугагани боис мураббийлар штаби легионерларга дам беришга қарор қилишган. Шу сабабли «Навбаҳор» Лига Кубогидаги учрашувларни маҳаллий футболчилар билан ўтказмоқда.
Биринчи даврада наманганликлар сафида айниқса, легионер ўйинчилар ўзларини кўрсатишганини алоҳида таъкидлаш жоиз. Масалан, ҳужумчи Александр Касьян ўз ҳисобига 9 та гол ёзиб қўйган ҳолда тўпурарлар орасида бормоқда. Бир сўз билан айтганда, хорижлик футболчилар наманганлик мухлисларнинг ишончларини қозона олишди. Дарвоқе, 9 июль куни Славко Лукичнинг никоҳ тўйи бўлиб ўтади.
Шунингдек, «Навбаҳор» сафида яна бир легионер – туркманистонлик Эльман Тагаев ҳам мавсум бошида рўйхатдан ўтганди. Лекин мавсум ўрталарига келиб ушбу легионер юртига жўнаб кетганини ҳам айтиш жоиз.
Фикрлар
Футболчимиз Денисов Узбек журналистларимизни бебурдликда айблаб танкид килганда накадар хак эканлигини манашу исботи.