"Навбаҳор"нинг ёшлар жамоасига мураббий тайинланди

Янги мавсумга ҳозирлик кўраётган "Навбаҳор" клубининг нафақат асосий таркибида, балки мураббийлар штабида ҳам ўзгаришлар кузатилганидан хабарингиз бўлса керак.

Бош мураббий Сергей Лушчаннинг бу йилги мураббийлар штабига янги мутахассислар ҳам қўшилди. 

Ўтган йили Лушчанга асосий жамоада яқиндан ёрдам бериб келган маҳаллий мураббий Шерзод Жўраев янги мавсумда бошқа лавозимга ўтказилди.

Клуб матбуот хизматининг хабарига кўра, Шерзод Жўраев эндиликда "Навбаҳор" U21 жамоаси мураббийи этиб тайинланган.