"Нефтчи" футболчиси пойтахт клубига кўчиб ўтиши мумкин

Sports.uz сайтига маълум бўлишича, "Нефтчи" футболчиси ҳисобланган Анвар Ғофуров трансферлар ойнасида жамоасини ўзгартириши мумкин. 
 
Биздаги маълумотларга кўра, тажрибали ҳимоячи фаолиятини пойтахтнинг "Бунёдкор" ёки ОКМК клубида давом эттириши мумкин. "Қалдирғочлар" ҳам, олмалиқликлар ҳам 30 ёшли футболчига жиддий қизиқиш билдирмоқда. Бироқ, фарғоналиклар ўз футболчисини қўйиб юбормоқчи эмас. 

Маълумот ўрнида, Ғофуров ўтган мавсум умумий 32 та учрашувда майдонга тушиб, 3 та гол уришга муваффақ бўлди.