"Нефтчи" Ўзбекистон U20 ҳамда "Бухоро"га қарши иккита ўртоқлик ўйинида майдонга тушади

Мавсумнинг иккинчи ярмига тайёргарлик кўраётган "Нефтчи" ўртоқлик учрашувлари ўтказишда давом этади.

Фарғоналиклар пойтахтдаги ўқув-йиғин машғулотларини сўнгги босқичига ўтишди, жамоа бош мураббийи Виталий Григориевич Левченко бошчилигида кунига икки маҳалдан машғулот олиб бораётган клуб хозирги кунгача уч бора назорат учрашувида майдонга тушиб, барча учрашувларда ғалаба қозониб келмоқда.

"Нефтчи" навбатдаги ўртоқлик ўйинларини 23 июль ва 25 июль кунлари ўтказишади. Клуб эртага Равшан Ҳайдаров бошчилигидаги Ўзбекистон U20 ёшлар терма жамоасига қарши майдонга чиқишса, 25 июль куни “Бухоро” билан ўртоқлик ўйини ўтказилади.

“Нефтчи” ПФК Матбуот хизмати