"Нефтчи"га ютқазган "Бухоро" бу сафар "Сўғдиёна"га қарши назорат ўйинини ўтказди

Тошкентда йиғин ўтказаётган “Бухоро” клуби яқинда “Нефтчи”га қарши назорат учрашувида майдонга тушиб 0:2 ҳисобида ютқазганди. Бугун эса Ҳаким Фузайлов шогирдлари “Сўғдиёна” билан ўртоқлик баҳсида иштирок этишди.

Жанговар кечган баҳсда иккала жамоада ҳам голли имкониятлар пайдо бўлди. Аммо ҳеч бир клубга дарвозани ишғол этиш насиб қилгани йўқ ва шу тариқа учрашувда ҳисоб очилмади - 0:0.

"Бухоро" таркиби: Никола Стошич, Бобур Омонов, Жасур Ҳасанов, Обид Жўрабоев, Анвар Жўраев, Жамолиддин Убайдуллаев, Файзулла Жуманқўзиев, Рустам Абдуҳамидов, Олег Марчук, Шавкат Саломов, Рўзимбой Аҳмедов.

Иккинчи бўлимда майдонга тушганлар: Шохжаҳон Насимов, Миржалол Жумаев, Бекзод Саидов, Суҳроб Неъматов, Сардор Сулаймонов, Фирдавс Асадов, Сардор Эминов, Шавкат Нурмуҳаммедов, Сардор Маҳмудов, Умар Мардонов.