Неймар пул билан "Сантос" муаммосини ҳал қилиб берди

Клуб трансфер тақиқини бекор қилдириб, таркибини кучайтирди. Ҳужумчи Неймар ўзининг собиқ жамоаси «Сантос»га ФИФА билан боғлиқ муаммоларни ҳал этишда молиявий ёрдам кўрсатди. 

Футболчининг оиласига тегишли спорт маркетинги компанияси орқали 2 миллион евро тўланди ва шу ҳисобдан клубга қўйилган трансфер тақиқи бекор қилинди.

ФИФА санкциялари «Сантос»нинг 2023 йилда Жан Лукаснинг трансфери бўйича «Монако» олдидаги қарзи билан боғлиқ эди. Қарз тўлиқ қоплангач, Бразилиянинг машҳур клуби яна янги футболчиларни рўйхатдан ўтказиш ҳуқуқини қўлга киритди.

Тақиқ олиб ташланиши биланоқ «Сантос» таркибни мустаҳкамлашга киришди. Жамоага 30 ёшли Артур қўшилди, унинг шартномаси 2026 йил декабригача мўлжалланган. Шунингдек, клуб Эвертон Сиболинья билан ҳам шартнома имзолади. Яна бир янги футболчи сифатида Филиппе Коутиньо жамоага келиб қўшилди.