Неймар: "Тиззамни операция қилишга тўғри келади"

"Сантос" ҳужумчиси Неймар чап тиззасига операция қилинишини маълум қилди.

33 ёшли футболчи мавсумнинг сўнгги қисмида жароҳат билан ўйнаган бўлса-да, Бразилия чемпионатининг охирги 4 учрашувида 5 та гол урди. Бу натижалар клубга келгуси мавсум учун А Серияда қолиш имконини берди.

Неймар жорий мавсумда апрелда старт олган чемпионатнинг 38 та туридан бор-йўғи 19 тасида майдонга тушди. Унинг ҳисобида 8 та гол мавжуд.

"Мен бу ерга жамоага қўлимдан келганча ёрдам бериш учун келганман. Бу ҳафталар мен учун жуда оғир бўлди.

Менга доим ёнимда бўлган ва қўллаб-қувватлаган барча инсонларга миннатдорчилик билдираман. Агар улар бўлмаганда, тиззамдаги муаммо ва жароҳатлар сабаб бу учрашувларда ўйнай олмаган бўлардим.

Энди мен дам олишим керак. Шундан сўнг тиззам операция қилинади", — деди Неймар.