Неймар: "У ирқчининг юзига урмаганимдан афсусдаман"

Франция чемпионати 3-туридан ўрин олган ПСЖ - "Марсель" учрашувида меҳмонлар 1:0 ҳисобида ғалаба қозонди.

Бутун учрашув асабий тарзда ўтди. Майдондаги футболчиларга 14 та сариқ, 5 та қизил карточка кўрсатилгани бунинг яққол исботи. Баҳс сўнгида парижликлар юлдузи Неймар рақиби Альваро Гонсалеснинг бошига зарба берди ва ҳакам томонидан майдондан четлатилди. Бразилиялик футболчи бу вазиятга муносабат билдирди:

"У ирқчилик қилди. Шунинг учун уни урдим. ВАР уни урганимни кўрди, аммо унинг гапларини эшитмади. У мени маймун, деди. Ундан ташқари, отамни ҳам ҳақорат қилди. Унинг юзига урмаганимдан афсусдаман".