Неймарнинг мақсади ошкор бўлди

Европа матбуоти Неймарнингт ПСЖдан кетиши ҳақида кўп ёзмоқда. Чунки бразилиялик футболчи клуб президенти Нассер Ал-Хелаифий билан можаролашиб қолган.

Қолаверса, Париж клуби раҳбарияти жамоа таркибини тубдан янгилашга қарор қилган ва мана шу мақсад йўлида асосий таркибнинг ўндан зиёд футболчилари билан хайрлашишни режалаштирмоқда.

Шунга қарамай, Неймар ПСЖдан кетмаслигини уқтирмоқда. Гарчи кўпчилик унинг бу қарорини катта маош олаётганига боғлаётган бўлса-да, ҳужумчининг мақсади умуман бошқа.

Goal.com порталининг таъкидлашича, Неймар шу йилнинг ноябрь – декабрь ойларида Қатар мезбонлик қиладиган  жаҳон чемпионат якунигача ўзининг энг юксак спорт формасини ушлаб қолмоқчи ва ана шу мақсадда бошқа клубга ўтмайди.

Бразилия терма жамоаси жаҳон чемпионатининг гуруҳ босқичида Сербия, Швейцария ва Камерун футболчилари билан куч синашади.