Нидерландия томонларда янги юлдуз пайдо бўлди

ПСВ клубининг янги ўйинчиси Хави Симонс Нидерландия чемпионатидаги дебют мавсумидаёқ  порлай бошлади.

Ёш ҳужумчи мамлакат чемпионатининг навбатдаги турида “Волендам” жамоаси дарвозасига иккита гол уриб, жамоасининг 7:1 ҳисобидаги ғалабасига катта ҳисса қўшди. Шу тариқа, Хавининг эйндховенликлар сафида тўртта ўйинда киритган тўплари  сони олтитага етди.

Хави Симонснинг бу кўрсаткичи рекорд сифатида қайд этилди. Чунки ҳали бу мамлакат футболида бирор ўйинчи 19 ёшу 132 кунлигида бу қадар юқори самарадорлик қайд этмаган.

Хави Симонс “Барселона” ва ПСЖ тарбияланувчиси ҳисобланади. У ёзда ПСВга эркин агент сифатида келганди. У янги клуби билан беш йиллик битим тузган.