Нодирбек Якуббоев ҳиндистонлик рақибасига қўл бермагани ортидан танқидларга учради

Ўзбекистонлик гроссмейстер Нодирбек Якуббоев якшанба куни Нидерландиянинг Вейк Ан Зее шаҳрида ўтказилаётган "Tata Steel Chess" турнирининг “Challengers” бўлимида тўртинчи турида ҳиндистонлик Рамешбабу Вайшали билан дона сурди ва мағлуб бўлди. 

Ушбу баҳс старт олдидан Якуббоев  Вайшали билан қўл бериб кўришишдан бош тортди. Бу ижтимоий тармоқларда муҳокамаларга сабаб бўлди. 23 ёшли спортчининг ўзи ушбу вазиятга изоҳ берди. 

"Мен Вайшали билан ўйинда содир бўлган вазиятни тушунтирмоқчиман. Аёллар ва ҳиндистонлик шахматчиларни ҳурмат қилиб, барчага шуни маълум қилмоқчиманки, мен эътиқодим сабабли бошқа аёлларга тегмайман. Буни ўйиндан олдин айта олмадим ва ноқулай ҳолат юзага келди.

Ваишали ва унинг укасини Ҳиндистоннинг энг кучли шахматчилари сифатида ҳурмат қиламан. Агар хатти-ҳаракатим билан уни хафа қилган бўлсам, кечирим сўрайман.

Якуббоев кеча бўлиб ўтган саккизинчи тур доирасидаги руминиялик Ирина Булмагага қарши ўйинда ҳам шундай вазият юзага келмаслиги учун уни олдиндан хабардор қилган. Мен бу ҳақда Ирина Булмага айтдим. У бунга рози бўлди", - дея ўзининг ижтимоий тармоқдаги саҳифасида изоҳ қолдирди ўзбекистонлик спортчи.

Маълумот учун, Якуббоев Ирина Булмагага қарши баҳсда ғалаба қозонган бўлса, Нодирбек Абдусатторов Владимир Федосеев билан дуранг ўйнади.