Нўъмон Ҳасанов "Навбаҳор"нинг тарихий мағлубиятига изоҳ берди

Суперлиганинг янги мавсуми старт олди. Чемпионатнинг илк учрашувида "Навбаҳор" ва "Сўғдиёна" ўзаро куч синашди.

Беллашувдан сўнг ташкил этилган матбуот анжуманида "лочинлар" устози Нўъмон Ҳасанов иштирок этди.

- Дастлабки дақиқалардан назоратни қўлга олдик. Голдан кейин футболчилар саросимага тушиб, шошиб қолди. Танаффусда тушунтирдик, қўрқмай ўйнашлари кераклигини айтдик. Мухлисларни хафа қилганимиз учун жамоа номидан узр сўраймиз. Бугун бизнинг кунимиз эмас экан.

Забиҳилло Ўринбоев машғулотларда жароҳат олганди. Шунинг учун бугун қайдномага киритилди.

Ярим ҳимояда бошқа футболчилар бор. Улар ҳам яхши ўйнамоқда. Шунинг учун Азим Аҳмедовни ҳимояда ўйнатмоқдамиз.

Қувондиқ Рўзиев вақтида тўпни оширмагани учун алмаштирилди. У тўпни ўзида кўп ушлаб қолди. Шунинг учун ўзгартирдик.

Легионерларнинг бугун балки ўйини чиқмагандир. Лекин йиғинларда ва ўртоқлик баҳсларида яхши ҳаракат қилишди. Улар ҳали ўзини кўрсатади. Учрашувдаги қарор чиқаришларда бироз шошқалоқлик қилишди...

Балки биринчи бўлиб гол урганимизда ўйин бошқача бўларди. Вазиятлардан фойдалана олмаганимиз боис имкониятни бой бердик, - деди наманганликлар бош мураббийи.