Новак Жокович яна ғолиб бўлди
Жаҳоннинг биринчи рақамли теннисчиси Новак Жокович Париж шаҳрида якунланган "Мастерс" турнирида бош соврин соҳибига айланди.
 
Новак "Rolex Paris Masters"нинг финал учрашувида канадалик Денис Шаповаловга қарши кортга чиқди ва 6:3, 6:4 ҳисобида ғалаба қозонди.
 
Шу тариқа нуфузли мусобақанинг навбатдаги чемпионига айланган Новак Жокович 1000 рейтинг очкоси ва 995,720 евро пул мукофоти билан тақдирланди.