Novak Jokovich yana g‘olib bo‘ldi

Jahonning birinchi raqamli tennischisi Novak Jokovich Parij shahrida yakunlangan "Masters" turnirida bosh sovrin sohibiga aylandi.

Novak "Rolex Paris Masters"ning final uchrashuvida kanadalik Denis Shapovalovga qarshi kortga chiqdi va 6:3, 6:4 hisobida g‘alaba qozondi.

Shu tariqa nufuzli musobaqaning navbatdagi chempioniga aylangan Novak Jokovich 1000 reyting ochkosi va 995,720 evro pul mukofoti bilan taqdirlandi.