Ўн саккиз ёшли футболчи ҳалок бўлди

Италиянинг «Тренто» клубида 18 ёшли Сами Саиднинг вафоти юзасидан мотам тутилмоқда. Ёш футболчи ўзининг она юрти Марокашда содир бўлган йўл-транспорт ҳодисаси оқибатида ҳаётдан кўз юмди.

«Сўзлар маъносиздек туюлмоқда. Катта қайғу ила шундан хабардормизки, ёшлар жамоамиз аъзоси Сами Саид Марокашдаги йўл-транспорт ҳодисаси сабаб ҳаётдан кўз юмди. 

У биз учун ҳар доим оиламиз аъзоси бўлиб қолади. Унинг кетиб қолиши клубимиз оиласида катта бўшлиқ қолдирди», – дея хабар берди клуб матбуот хизмати.

Маълумот учун, 2021 йилда ташкил этилган «Тренто» ҳозирда Италия чемпионатининг «Серия С» дивизионида иштирок этмоқда. Клуб ҳалигача Италиянинг олий дивизионига кўтарилмаган.