Ўзбек қизи рақибасини нокдаунга учратиб, йирик ҳисобда зафар қучди

Японияда ўтаётган ёзги Осиё ўйинлари-2026 да бокс бўйича Ўзбекистон терма жамоаси аъзоси Нигина Ўктамова ўзининг илк жангини муваффақиятли ўтказди.

54 килограммгача бўлган вазн тоифасида 1/8 финал босқичида Ўктамова Тожикистон вакили Бибинашастамо Холовага қарши рингга кўтарилди. Беллашув тўлиқ устунлик билан ўтди ва ҳакамлар якдил қарорига кўра Нигина 5:0 ҳисобида ғалаба қозонди. Учинчи раундда эса Холова нокдаунга юборилди.

Айти ва Нагоядаги Осиё ўйинларида Ўзбекистон терма жамоаси бокс бўйича олти эркаклар ва беш аёллар вазн тоифасида иштирок этмоқда.