ОЧЛ 2. "Насаф" - "Ал Ҳуссейн": Жамоалар қайси рангдаги либосларда ҳаракатланиши маълум

Хабарингиз бор, эртага ОЧЛ 2 4-тури доирасида "Насаф" - "Ал Ҳуссейн" баҳси бўлиб ўтади. Бугун мазкур учрашув олдидан иккала жамоа вакиллари ва учрашув расмийлари иштирокида йиғилиш бўлиб ўтди.

Учрашувда эртанги беллашувга оид ташкилий масалалар кўриб чиқилди. Эртанги беллашувда "Насаф" тўлиқ қизил рангли спорт формаларида, меҳмонлар "Ал Ҳуссейн" эса сариқ ва қора рангли либослардан фойдаланиши келишиб олинди.

Эслатиб ўтамиз, "Насаф" - "Ал Ҳуссейн" беллашуви эртага соат 19:00да Қаршидаги "Марказий" стадионида старт олади.