ОФКнинг "А" лицензияси учун мураббийлик курси бошланди

18 апрель куни футбол мутахассисларини тайёрлаш марказида ОФКнинг «А» лицензияси учун мураббийлик курсининг 1-модулига старт берилди.

Ушбу курс жараёнини ФИФА инструктори Усмон Тошев бошқариб бормоқда. Инструктор ассистенти сифатида Шамил Исеев фаолият олиб боряпти. Координатор вазифасини эса етакчи мутахассис Даврон Қудратуллаев бажармоқда.

20 нафар мураббийлар иштирок этаётган мазкур ўқув курси 6 кун давом этади. Ўқув курси давомида имтиҳонларни муваффақиятли топширган номзодлар 3 йилга мўлжалланган ОФКнинг мураббийлик бўйича «А» лицензиясини қўлга киритишади.

ЎФА матбуот хизмати.