ОКМК - "Пахтакор". Устунлик "шерлар" томонида!

Суперлиганинг 12-турида ОКМК ўз майдонида амалдаги чемпион - "Пахтакор"ни қабул қилади. 

Ҳозирга қадар чемпионатлар тарихида ушбу жамоалар 32 марта ўзаро тўқнаш келишган. 23 беллашувда "Пахтакор" ғалаба қозонган. 5 баҳсда дуранг қайд этилган бўлса, 4 марта Олмалиқ клуби зафар қучган. "Шерлар" 58 тўп киритиб, ўз дарвозасидан 19 гол ўтказиб юборган. Олмалиқда кечган 16 ўйиннинг 13 тасида "Пахтакор" устун келган. Мезбонлар эса 3 учрашувда ютуққа эришган. Пойтахт жамоаси ОКМКга қарши сафар ўйинларида 31 та гол урган ва 8 гол ўтказиб юборган.

ОКМК ва "Пахтакор" жамоалари ўртасидаги учрашув эрта 21 июнь, жума куни соат 20:00да Олмалиқдаги ОКМК стадионида бошланади.