ОКМК "Бухоро"га қарши. Устунлик кимда?

2025 йилги Суперлиганинг дастлабки тури 7 март куни ОКМК – “Бухоро” учрашуви билан бошланади.

Улуғбек Бақоев жамоасини про лигадан Суперлигага қайтаришга эришди ва энди Миржалол Қосимов бошчилигидаги ОКМКга қарши майдонга тушади.

Ҳозирга қадар бу клублар чемпионатда 26 та ўйинда рўбаро келишган. ОКМКда 12 та, “Бухоро”да 9 та ғалаба бор. 5 та учрашувда кучлар тенг келган. Тўплар нисбати 44\29 олмалиқликлар фойдасига.

Охирги бор клублар 2023 йили тўқнаш келишган ва ҳар иккала баҳсда ОКМКнинг қўли баланд келган.

“Бухоро” ОКМК майдонида 2 та ғалабага эришган ва 4 бор дуранг қайд этиб, 7 бор ютқазган. “Бухоро” охирги бор Олмалиқдан 2016 йили ғалаба билан қайтган.