ОКМК "Насаф" тарбияланувчисини нишонга олди!

Олмалиқнинг ОКМК клуби янги мавсум учун тайёргарлигини режага биноан давом эттиряпти. Эътибор бераётган бўлсангиз, таркибни кўплаб етакчи футболчилар тарк этишди. Маълум бўлишича, ОКМК жамоаси таркибни ёшартириш йўлидан боряпти ва трансфер бозорида ҳам шунга аҳамият қаратишни лозим топишяпти.

Sports.uz сайтига маълум бўлишича, ОКМКнинг навбатдаги нишони иқтидорли ўйинчи Азиз Холмуродов бўлиб турибди. У “Насаф” клуби тарбияланувчисидир. Ўтган йилнинг иккинчи даврасини “Турон”да ўтказди. Умумий ҳисобда ўтган йили Азиз жами 14 та учрашувда майдонга тушди.

Маълумот учун, бу йил 21 ёшни қаршилайдиган ярим ҳимоячи “Насаф” клуби афсоналаридан бири Зафар Холмуродовнинг ўғли. Тез орада Азиз Холмуродов ОКМКда пайдо бўлса ажабланманг!