Olimpiada sovrindori voyaga etmagan qizga jinsiy zo‘ravonlik qilganlikda ayblanmoqda

 Dzyudo bo‘yicha Olimpiada sovrindori janubiy koreyalik Van Ki Chun voyaga etmagan qizni jinsiy zo‘rlashda ayblanib hibsga olingan, deb xabar beradi Yonhap. 31 yoshli dzyudochi ustidan tergov mart oyida boshlangan.

Vang Ki Chun 2009 yilda tungi klubda bir ayolga tajovuz qilgani uchun ham hibsga olingan edi. O‘shanda unga qarshi ayblov e’lon qilinmagandi.

Vang Ki Chun 2008 yilgi Pekin Olimpiadasida 73 kg vazn toifasida kumush medalni qo‘lga kiritgan. Shuningdek, uning hisobida jahon chempionatlaridagi ikkita oltin va bir bronza medali ham bor.