Асосий мазмунга ўтиш
Футбол

Ольмо: "Ҳозир омад бизнинг томонда эмас"

Muhammadqodir Ruzmatov
Изоҳлар: 0

Ҳанси Флик шогирдлари навбатдаги турда ўз майдонида "Леванте"ни қабул қилади.

"Барселона" ярим ҳимоячиси Дани Ольмо Испания Ла Лигасидаги чемпионлик пойгаси ҳақида фикр билдирди.

Сўнгги турда "кўк-анорранглилар" "Жирона"га сенсацион тарзда 2:1 ҳисобида мағлуб бўлиб, турнир жадвалидаги пешқадамликни бой берган эди.

"Агар биз ўз вазифамизни тўғри бажара олсак, Ла Лигада барча нарса фақат ўзимизга боғлиқ бўлади. Футбол — хатоларсиз ўтмайдиган ўйин. Ҳозир омад бизнинг томонда эмас, аммо бу ҳеч қандай баҳона бўла олмайди", — деди Ольмо. 

24 турдан сўнг каталонияликлар Испания чемпионатида 58 очко жамғариб, иккинчи ўринни эгаллаб турибди. Жамоа етакчи "Реал Мадрид"дан 2 очко кам тўплаган.

Маълумот учун, Ҳанси Флик шогирдлари навбатдаги турда ўз майдонида "Леванте"ни қабул қилади. Учрашув 22 февраль куни бўлиб ўтади.

Улашиш
SPORTS.uz'ни Youtube'да томоша қилинг!

Изоҳлар (0)

Ҳозирча изоҳлар йўқ