Олти йил аввал шовқин кўтарган руслар! Тарихий ғалаба ўзгача услубда ёдга олинди

Бундан олти йил муқаддам Россия мезбонлик қилган 4 йилликнинг энг нуфузли мусобақаси -  Жахон чемпионати ўзининг қизғин палласига кирган давр эди. Мезбонлар 1/8 финал босқичида Испанияга қарши майдонга чиқади.

Аксар мухлис ва мутахассислар бу ерда имкониятлар тенг эмаслигини ва “Қизил Фурия” кейинги босқичга қийинчиликсиз йўл олишини тахмин қилишганди. Бироқ руслар ўйин давомида аввалдан билдирилган тахминларнинг кўпини йўққа чиқарди. Улар авлодлар алмашинувини бироз оғирроқ бошдан кечираётган рақибларига қарши тенгма-тенг ва баъзи жабхаларда устунроқ хам ўйин намойиш этди. 

Охир-оқибат, беллашув пенальтилар сериясига қадар етиб борди. Бугун рус матбуоти бонг уриб, қайта-қайта эсга олаётган вазият ҳам айнан ўша паллада рўй берди. Игор Акинфеев Яго Аспас йўллаган зарбани ғаройиб тарзда қайтаришга муваффақ бўлди ва Россия терма жамоаси учун мундиаллар тарихидаги янги сахифани очган эди.

“Матч ТВ” телеканали ижодкорлари пенальти бартараф этилган тарихий воқеани ёдга олди ва уни ходиса содир бўлган “Лужники” стадионида жонли тиклашга харакат қилди.



Ўша турнирда "А" гуруҳидан жой олган Россия терма жамоаси 1-тур баҳсида Саудия Арабистонини йирик 5:0 ҳисобида таслим этади. 2-тур доирасидаги Мисрга қарши баҳсда мезбонлар навбатдаги ишончли (3:1) ғалабани тантана қилган. Улар фақат 3-турда Уругвайга мағлуб бўлган (0:3) ва ўз гуруҳида 2-ўринни қўлга киритган ҳолда, плей-оффга йўл олган. 



Нимчорак финалда биз ёдга олаётан ўша сенсацион натижа ва Акинфеев иштирокидаги ўзига хос "event" содир бўлган. Дастлаб, Игнашевич автогол муаллифига айланган бўлса, 41-дақиқада Дзюба мувозанатни тиклаган. Ўйинда бошқа ҳисоб ўзгармаган ва пенальтилар сериясида руслар 4:3 ҳисобида зафар қучган. 



Чорак финал баҳсида ҳам Россия мардонавор ўйин кўрсатган. Беллашувнинг асосий вақтида 1:1 ҳисоби қайд этилган. Руслардан Черишев, хорватлардан эса Крамарич гол урган. Баҳснинг экстра таймларида ҳам жамоалар биттадан гол алмашиб олган. Вида 100-дақиқада жамоасини ҳисобда олдинга олиб чиқади. Учрашув якунига яқин, аниқроғи, 115-дақиқада Фернандес мувозанатни тиклайди. Яна пенальтилар серияси. Бу сафар ҳам серияда 4:3 ҳисобида қайд этилди, аммо русларнинг зарарига. 



Ҳозир биз Акинфеев иштирокидаги ўша ажойиб сейвни эслаш баробарида Россиянинг ЖЧ-2018'даги ўзига хос натижасини ҳам ёдга олдик. Қайд этиш лозим, Россия ўзи мезбонлик қилган турнирда анча шов-шув кўтарган. Эсласа аргигулик иштирок. Шундай эмасми?