Онана, ўрнингга учта зўри бор!

2023 йилнинг ёзида испаниялик Давид де Хеа “Манчестер Юнайтед”ни тарк этганидан кейин бу жамоа юқори малакали дарвозабон топа олмаяпти.

Катта умидлар билан олиб келинган Андре Онана ҳам ишончни оқламади. Англия Премьер-лигасининг биринчи турида дарвозани қўриқлаган Байиндир қўпол хатога йўл қўйиб, мағлубиятга сабабчи бўлди.

Сўнгги маълумотларга қараганда, спорт бўлими ва кадрлар бўйича ишлайдиган мутасаддилари янги дарвозабон қидиряпти. Ҳозирча, улар учта голкиперни нишонга олди.

Эмилиано Мартинес

Аргентина терма жамоаси сафида жаҳон чемпиони бўлган тажрибали посбон “Астон Вилла” дарвозасини қўриқлаб келмоқда. Мартинес мураккаб вазиятларда ўз характери эвазига жамоага катта ёрдам бера олади.

Сенне Ламменс

Ламменс Бельгия чемпионатида “Антверпен” шарафини ҳимоя қиляпти. Экспертлар бу посбонни келажакни кўзлаган жамоа сотиб олиши керак, деган хулосани ўртага ташламоқда. Европа футболида Ламменснинг харидорлари кўпайиб боряпти.

Давид де Хеа

“Манчестер Юнайтед” мавсум олдидан “Фиорентина” билан ўртоқлик учрашувида куч синаши. Испаниялик дарвозабоннинг маҳорати Рубен Аморим ва унинг штабидагиларга маъқул келди. Давид де Хеа манчестерликлар сафида 545 та учрашувда майдонга тушиб, 190 та ўйинда гол ўтказмагани унинг маҳоратидан далолат беради.