“Ўруновни ҳисобдан чиқаришга шошилманг!”

Россия футболидаги таниқли агентлардан бир Алексей Сафонов “Спартак” селекция бўлимидаги ўзгаришлар ҳақида ўз муносабатларини билдириб, пойтахт жамоаси амалга оширган трансферларга ҳам тўхталди.

- Селекция бўлими раҳбари Наримон Акавовни яхши танимайман. Йўлларимиз ҳеч кесишмаган. “Спартак” каби жиддий клуб уни кетказишга қарор қилдими, демак унинг ишидан қониқишмаган. Аслида “Спартак”да молиявий жиҳатдан муаммо йўқ, дейишганди. Лекин клубнинг олган футболчисидан сотгани кўп бўлди.

Остон Ўрунов ва Александр Кокоринни ҳисобдан чиқаришга ҳали эрта, деган фикрларга тўлиқ қўшиламан. Албатта, Кокорин “Сочи”да кўрсатган ўйинларини “Спартак”да намойиш қила олгани йўқ. Бунга турли омиллар сабаб бўлаётганини айтишим мумкин.

Ўзбекистонлик легионер сифатли футболчи ҳисобланади. Бироқ, “Спартак” жамоаси ўйин услубига мослашиши учун вақт керак. “Уфа”да порлагани бошқа масала. “Спартак”да ўзини кўрсатиш ҳаммага ҳам қийин. Миллионлаб мухлисларнинг босими борлигини унутмаслик керак, - деди Алексей Сафонов.