Ўруновнинг трансфер нархи аниқ бўлди
“Спартак” ярим ҳимоячиси Остон Ўрунов мавсумни ижара асосида “Уфа” ўтказишга тайёр экани ва ҳамюртимиз тиббий кўрикдан муваффақиятли ўтгани ҳақида хабар берган эдик.
Томонлар ўтказган музокаралардан сўнг, уфаликлар 20 ёшли футболчини мавсум охирида тўлиқ трансфер қилиш борасида ҳам келишувга эришди. Унга кўра, “Уфа” жорий чемпионат якунланганидан кейин Ўруновни бир миллион евро эвазига сотиб олиш имконига эга бўлади.
Ўтган мавсум охирида ҳам уфаликлар Ўруновни тўлиқ қайтариш учун бир миллион евро таклиф қилиб, москваликлардан рад жавобини олган эди.
Остон Ўруновнинг “Уфа”га трансфери расман бугун эълон қилиниши кутилмоқда.
Комментарии