"Осасуна" бош мураббийининг фикрича "Реал"нинг пенальтиси нотўғри белгиланган

"Осасуна" Ла Лиганинг биринчи турида "Реал Мадрид" меҳмони бўлиб, 0:1 ҳисобидаги минимал фарқ билан мағлуб бўлди.

"Қаймоқранглилар"нинг ягона голи иккинчи бўлим бошида пенальтидан киритилди. "Осасуна" жамоаси бош мураббийи Алессио Лиски фикрига кўра, ўн бир метрлик жарима тўпи нотўғри белгиланган.

- Менга аниқ эдики, у ерда ҳеч қандай жиддий нарса содир бўлмаган. Мен вазиятни қайта кўриб чиқдим - Мбаппе Круснинг оёғини босиб олди, кейин эса унга зарба берди. Пенальти нотўғри белгиланган эди, - дея Лискининг сўзларини келтиради "Goal" нашри.

Ла Лиганинг иккинчи турида "Осасуна" ўз майдонида "Валенсия"ни қабул қилади. "Реал" эса шу куни "Реал Оведо" меҳмони бўлади.