Осиёлик ҳужумчига бешта клуб даъвогар

“Ливерпуль”нинг япониялик ҳужумчиси Такуми Минамино клубни тарк этишга яқин, деб хабар тарқатди журналист Дэвид Линч.

Манбанинг таъкидлашича, ливерпулликлар осиёлик ўйинчига келаси мавсум ишонч бирдирмоқчи эмас ва уни ёзда 20 миллион еврога қўйиб юборишга тайёр.

Минамино ишсиз қолмайди. Чунки 27 ёшли ҳужумчига “Лидс Юнайтед”, “Саутгемптон”, “Вулверхэмптон”, “Фулхэм” ва “Монако” даъвогарлик қилмоқда.

2020 йилдан бери “Ливерпуль” шарафини ҳимоя қилаётган Минамино асосий таркибга киришга қийналмоқда. У якунланган мавсумда премьер-лигада 11 марта майдонга тушиб, учта гол уришга эришди.