Отабек Ҳолматов вазн ўлчаш маросимида иштирок этди ёҳуд уни жуда жиддий синов кутиб турибди

4 март куни Британиянинг Ньюкасл шаҳрида жойлашган "Ньюкасл" аренасида ўтказиладиган бокс оқшомида ҳамюртимиз Отабек Ҳолматов (10-0, 9КО) мезбон боксчи Томас Патрик Уордга (33-0-1, 5КО) қарши рингга кўтарилади. Ушбу баҳс ярим ўрта вазнда WBА жаҳон чемпионлик камари учун элиминатор жанги сифатида белгиланган. Яъни ғолиб боксчи чемпионлик камари учун рингга кўтарилиш имкониятини қўлга киритади. 

Бугун, ушбу жанг аввалида вазн ўлчаш маросими бўлиб ўтди. Боксчилар вазн меъёрини бажара олишди. Ўз ўрнида юртдошимизга муҳим жангда омад ёр бўлишини тилаб қоламиз.