Ўзбекистон кубоги 1/8. "Нефтчи" минимал ҳисобда ютқазиб, турнирни тарк этди. "Сўғдиёна" эса йирик ҳисобда зафар қучди

Ўзбекистон кубогининг 1/8 финалидан ўрин олган "Нефтчи" - "Машъал", "Сўғдиёна" - "Қизилқум" клублари иштирокидаги беллашув ўз ниҳоясига етди. 
 
Виталий Левченко бошчилигидаги клуб 0:1 ҳисобида рақибига имкониятни бой бериб, турнирни тарк этди. Учрашувнинг ягона голига Сардор Абдураимов муаллифлик қилди. 
 
Иккинчи учрашувда эса "Сўғдиёна" "Қизилқум" устидан 4:1 ҳисобида муваффақиятга эришди. 
 
Беллашувнинг 1-дақиқасидаёқ Самандар Мавлонқулов ҳисобни очишга муваффақ бўлди. Орадан 7-дақиқа ўтиб, Муродали Усмонов ҳисобни тенглаштирди. 18-дақиқага келиб эса Зоир Жўрабоев яна жамоасини олдинга олиб чиқди. Иккинчи бўлимнинг 50-дақиқасида Станислав Андреев фарқни 2 тага етказган бўлса, қўшиб берилган дақиқаларнинг иккинчиси ўтиб бораётганда Хондамир Мустафоқулов ҳисобни йириклаштириб қўйди (4:1). 
 
Ушбу икки учрашувдан сўнг Ўзбекистон кубогининг чорак финалига йўл олган 5 жамоа номи маълум бўлди: "Динамо", "Шўртан", "Бунёдкор", "Машъал" ва "Сўғдиёна".

• Ўзбекистон - Ўзбекистон кубоги
• Round of 16

Нефтчи

Тугади

0 : 1

24.06.2025 19:30

Машъал

• Sardor Abduraimov 6'

Стадион: Stadion Istiqlol

Батафсил