Ўзбекистон кубоги. Финал чипталари сотувга чиқди

Бухоро мезбонлик қилаётган Ўзбекистон Coca-Cola кубогининг финал учрашуви учун чипталар савдоси бошланди. Айни вақтда нархи 35 минг сўмдан бўлган 2A, 2B ҳамда 18-сектор, шунингдек, CIP1 чипталарини онлайн сотиб олиш имконияти мавжуд. Бунинг учун мазкур ҳаволага йўл олиш тавсия этилади. 

Эртага — 26 октябрь куни Наманган ҳамда Қаршидаги марказий стадион кассаларига финал чипталари етиб боради. Аввалдан хабар берилганидек, “Насаф” стадиони кассаларида 6, 7, 8-секторлар чипталари, “Навбаҳор” стадиони кассаларида эса 12, 13, 14-секторлар чипталари сотилади. 9, 11, 10A, 10B секторлар учун чипталар 27 октябрь кунидан эътиборан “Бухоро” стадиони кассаларида савдога чиқарилади. Қаршидаги касса таҳминан соат 11:00 дан кейин, Намангандаги касса эса таҳминан 13:00 дан кейин чипталарни савдога чиқариши режалаштирилган. 

Маълумот учун: бир нафар шахс максимум 5 тагача чипта сотиб олиши мумкин.