Ўзбекистон Кубоги. "Турон" "Арал Самали"ни қийинчиликсиз енгди, "Бухоро" - "Динамо" баҳсида пенальтилар катта саҳнага чиқди

Ўзбекистон Кубоги гуруҳ босқичининг биринчи туридан ўрин олган "Турон" - "Арал Самали" ва "Бухоро" - "Динамо" учрашувлари ўз якунига етди. 

Яйпанда мезбонлар 4:1 ҳисобидаги ғалаба билан турнирни бошлайдиган бўлди. Ким Бойонг, Синиша Бабич ва Орипхўжа Абдухолиқов томонидан киритилган голларга қорақалпоғистонликлар сафидан Жамшид Гулмирзаев жавоб бера олди, холос. 

Ғиждувонда ўтган "Бухоро" - "Динамо" баҳси эса томонларнинг 1:1 ҳисобидаги дуранги билан якунланди. Сухроб Неъматов 82-дақиқада пенальтидан ҳисобни очган бўлса, ҳакам томонидан ўйин асосий вақтига қўшиб берилган дақиқаларда Тимур Ҳакимов мувозанатни тиклади.