Ўзбекистон Миллий Паралимпия Ассоциацияси янги раиси парадзюдочилар билан учрашди
Ўзбекистон Миллий Паралимпия Ассоциацияси янги раиси Мухторхон Ташходжаев Токио-2020 Паралимпия Ўйинларига тайёргарлик бўйича спортчилар билан яқиндан танишди.
Хабарингиз бор жорий йилнинг 19 август куни Ўзбекистон Миллий Паралимпия Ассоциациясининг навбатдан ташқари хисобот-сайлов конференцияси бўлиб ўтди, унда Мухторхон Махсудович Ташходжаев Ўзбекистон Миллий Паралимпия Ассоциациясининг янги рахбари этиб сайланди.
Бугун Тошкент шаҳрида жойлашган Паралимпия Марказида пара-дзюдо бўйича бўлиб ўтаётган ўқув- машғулот йиғинига Ассоциациянинг янги рахбари Мухторхон Ташходжаев ташриф буюрди ва терма жамоамиз аъзоларининг тайёргарлик жараёнини кузатди. Машғулот давомида пара-дзюдо бўйича Бош мураббий Сайидов Шамсиддин янги рахбарга спортчиларни таништириб ўтди ва 2-9 сентябр кунлари Қозоғистонда бўлиб ўтадиган Осиё ва Океания чемпионатига тайёргарлик кўришаётганини айтиб ўтди.
Учрашув якунида Мухторхон Ташходжаев чемпионатда иштирок этадиган паралимпия спортчиларига омад ва зафарлар тилади.
Фикрлар