Ўзбекистон миллий терма жамоасининг бугунги ўйини учун чипталар қанчадан сотилмоқда?

Осиё кубоги – 2023 саралаш баҳслари доирасидан ўрин олган Шри-Ланка – Таиланд, Мальдив ороллари - Ўзбекистон терма жамоалари ўртасидаги ўйинлар учун чиқарилган чипталар Наманган шаҳар, “Чорсу”даги якка қабр олди, “Сардоба”даги “Мегаполис” савдо мажмуаси, Давлатобод туманидаги “Марказий” ўйингоҳ, “Камолот” боғи кассаларида сотилмоқда. Бу ҳақда "Навбаҳор" клуби матбуот хизмати хабар берди.

Манбанинг маълум қилишича, чипталар нархи 10.000 сўм этиб белгиланган ва мухлислар битта чипта харид қилган ҳолда, ҳар икки баҳсни бевосита стадионда томоша қилиш имкониятига эга бўлишади.

Чипталар миқдори чекланган. Мазкур ўйинлар бугун соат 17:00 ҳамда 20:30да бошланади.