Ўзбекистон МТЖ Элдор Шомуродовнинг дубли эвазига Фаластинни мағлубиятга учратди

Хабарингиз бор, бугун Ўзбекистон миллий терма жамоаси ЖЧ-2022 иккинчи саралаш босқичидан ўрин олган Фаластинга қарши ўйин ўтказди.

Учрашувда Элдор Шомуродов биринчи ва иккинчи таймда биттадан гол урди. Қолган вақт мобайнида жамоалар дарвозаларга йўл топа олишмади. Натижада Шомуродовнинг дубли терма жамоамиз муҳим баҳсда ғалаба келтирди. 

Саудия Арабистони бу тур дам олганини, орамиздаги фарқ 2 очко эканлигини инобатга олсак, энди Ўзбекистон миллий терма жамоасидан 2020 йил март ойига қадар пешқадамликни ҳеч ким тортиб ололмайди. 

• 90'
  

  Бўлди, тугади! Ғалаба қозондик! Барчага ғалаба муборак!!!

• 88'

  Терма жамоамиз чарчаганликлари кўринмоқда. Бу уларнинг ҳаракатларидан аён

• 86'
  

  Достонбек Ҳамдамов ўрнига Сардор Собирхўжаев майдонга тушди.

• 85'

  Зарбаааааа. Элдор Суюнов дарвозасига жуда ҳам хавфли вазият посбонимиз қайтарди

• 82'

  Ўнг қанотдан узатилган тўпни Искандеров тўхтатмай дарвозага зарба берди. Аммо ноаниқ

• 80'

  Вакилларимиз кетма-кет икки марта хатога йўқ қўйишди. Яхшиямки, рақиблар ҳам ҳужумга ўтганда хато қилишди

• 78'
  

  Элдор Шомуродов ўрнига Темурхўжа Абдухолиқов майдонга тушди. Шомуродовни бутун стадион олқишлаб қўйди

• 76'

  Хавфли вазият. Ҳожиакбар Алижонов ўзининг курашиши натижасидан ўзини қулай вазиятга чиқарди. Аммо унинг зарбасини дарвозабон қайтарди.

• 74'
  

  Жалолиддин Машарипов ўрнига Жамшид Искандеров майдонга тушди. Шунингдек, рақиб таркибида ҳам ўзгариш амалга оширилди

• 70'

  Элдор Шомуродов ва Достонбек Ҳамдамов бир-бирини жуда яхши тушунмоқда. Ҳужумлар ва комбинациялар ҳам чиройли чиқмоқда...

• 67'
  

  Олег Зотеев тўпни атайлаб майдон ташқарисига чиқариб юборди. Унинг эски жароҳати қайталаган кўринади

• 65'

  Зарбааааааааааааа. Достонбек Ҳамдамов тўпни қулай тарзда турган Санжар Қодирқуловга етказди. Қодилқуловнинг зарбаси эса анча ноаниқ

• 62'

  Терма жамоамиз энди тинмай ҳужумлар уюштиришни бошлади. Рақиб эса қарши ҳужумга ўта олмаяпти

• 58'
  

  Гооооооооооооооооооооооооооооооооооооооооллллллллллллллллллллл. Одил Аҳмедов узатган тўпни Элдор Шомуродов тўхтатиб олди ва иккинчи уринишда гол урди. 

• 56'

  Вакилларимиз темпни туширишди. 

• 53'

  Фаластин анча жонланди. Кетма-кет зарбалар бўлмаса-да, уринишлар бўлмоқда. 

• 51'

  Зарбааааааааа. Достонбек Ҳамдамов Алибоевнинг пасидан сўнг жарима майдонига яқин зарба берди. Тўп устун олдидан ўтиб кетди

• 47'

  Фаластинлик ҳужумчи жарима майдонига оширилган тўпни ўзига бўйсундирди, аммо зарба бермагани учун вазият фойдамизга ҳал бўлди

• 46'

  Иккинчи бўлим бошланди. Ҳамюртларимиз иккинчи таймда ҳам шундай ажойиб ҳаракат қилиб, кўплаб голлар ва якунда ғалаба билан барчамизни хурсанд қилишларига ишонамиз.

• 45+2'
  

  Биринчи тайм якунланди. Танаффус

• *'

  Биринчи таймга 2 дақиқа қўшиб берилди

• 45'

  Одил Аҳмедов ва Икром Алибоев марказни қўлга олган ва шерикларига жуда ҳам чиройли тарзда тўпни етказиб бермоқда

• 42'

  Элдор Шомуродооооооооооооооооов. Алижонов берган пасдан сўнг Элдор тўпни дарвозага йўналтирди. Аммо тўп устуннинг ёнгинасидан ўтиб кетди.

• 40'

  Зарбааааааааааааааааааааа. Жалолиддин Машарипов жарима майдони ичида рақибидан ўтиб тўпни тепди. Аммо яна в яна посбон эгаллаб олди. 

• 38'

  Фаластин терма жамоасида ҳам кам сонли бўлса-да, вазиятлар бўлмоқда. Яхшиямки, уларнинг уринишлари якунланмай қоляпти

• 35'

  Шомуродов чап қанотдан Икром Алибоевга тўпни ерлатиб узатди. Алибоевнинг зарбаси кучли чиқди, аммо яна рақиб посбони тўпни эгаллаб олди

• 33'
  

  Ёсир Ислом ҳакамга эътироз билдиргани учун огоҳлантирилди

• 31'

  Орадан ҳеч қанча вақт ўтмай яна шу ҳолат такрорланди. Фақат бу гал Шомуродовнинг бош билан берган зарбаси кучсиз чиқди.

• 30'

  Зарбаааааааааааааааа. Шомуродов энди бу сафар чап қанотдан узатилган тўпни дарвозага йўллади. Бироқ тўп юқоридан ўтиб кетди.

• 29'

  Икром Алибоев ўнг қанотдан ажойиб тарзда Жалолиддин Машариопвга узатди. Бироқ Машариповдан аввал рақиб ҳимоячиси тўпга етиб келди.

• 25'

  Хавфли вазиииияяяяттттттт. Шомуродов жарима майдони ичидан зарба берди. Аммо дарвозабон тўпни қайтарди

• 24'

  Фаластинликлар жонланишди. Ҳужумга ўтишга интилишмоқда. Бироқ улар ташкил этган ҳужумлар якунланмай қолмоқда. Шундай бўлсин ҳам

• 18'
  

  Гооооооооооооооооооооооооооооооооооллллллллллллллллл. Ҳожиакбар Алижонов ўнг қанотдан оширган тўпни Элдор Шомуродов боши билан дарвозага йўллади.

• 15'

  Элдор Шомуродов яхши вазиятга чиқиб бориб зарба берди. У тепган тўпни дарвозабон ушлаб қолди

• 13'

  "Спорт" телеканалида ўйинни шарҳлаб бораётган шарҳловчи қидирилмоқда. Учрашув стадиондаги овоз билан намойиш этилмоқда. Беллашувни Бобур Акмалов шарҳлаб бораётганди. Кўрганлар борми?

• 12'

  Терма жамоамиз кетма-кет ҳужумлар ташкил этмоқда. Ҳозирча улардан наф чиқмаяпти

• 9'
  

  Жалолиддин Машарипов чап қанотдан оширган тўпни Одил Аҳмедов тўхтатмай дарвозага зарба берди. Бироқ анча ноаниқ

• 7'

  Рақибнинг бир футболчиси майдонда ётганига қарамай бизникилар ҳужумни давом эттиришди. Бу эса фаластинликларга ёқмади ва ҳакам ҳамда вакилларимизга эътироз билдиришди.

• 6'

  Жамоалар майдоннинг иккинчи қисмида ўйнашмоқда. Яъни Фаластин дарвозаси томонда. Бу кутилган ҳолат. Чунки аввалги ўйин натижасидан келиб чиқиб буни тахмин қилса бўларди.

• 3'

  Дастлабки дақиқалардан вакилларимиз тўпни ўзларида ушлуб туришмоқда. Майдоннинг ҳар ерида Одил Аҳмедов.

• 1'

  Ўйин бошланди. 

• *'

  Футболчилар майдонга чиқиб келишди. Биз эса дуо қиламиз, учрашувдан сўнг ғалаба муборак дейиш барчамизга насиб этсин!!!

• *'

  Мазкур учрашувда мухлислар Саудия билан ўйинга келганичалик кўп эмас. Лекин кам ҳам эмас.  

• *'

  Айни пайтда футболчилар майдонга тушишга тайёр.

• *'

  Ушбу ўйинни "Спорт" ТВда Бобур Акмалов шарҳлаб боради. Агар ТВ кўриш имкониятингиз бўлмаса сайтимизда видео ва матнли трансляция мавжуд!!!

• *'

  Беллашув олдидан вакилларимиздан Одилжон Ҳамробеков ва Егор Кримец бугун майдонга туша олмайдиган бўлди. Ҳамробек бир неча кун аввал машғулотларда жароҳат олди. Кримец эса ҳарорати чиққани боис мазкур баҳсда терма жамоамизга ёрдам бера олмайди. Бу ҳақда Вадим Абрамов кеча ташкил этилган учрашувдан аввалги матбуот анжуманида маълум қилди.

  Мураббийнинг фикрига кўра Кримецни бугун майдонга туширишини, у баланд бўйли ҳужумчига қарши ўйнашини крежа қилган экан. Аммо кутилмаган ҳолат туфайли Абрамов ҳимоячининг хизматларидан фойдалана олмайдиган бўлди.

• *'

  Ассалому алайкум қадрли футбол мухлислари. Бугун Ўзбекистон миллий терма жамоаси жуда ҳам муҳим ўйинни ўтказади. Аввалги турда Саудиядан учралган мағлубиятни тасодиф эканлигини исботлаш учун вакилларимиз бугун ғалаба қозонишлари керак. Қолаверса, мазкур беллашув йил ҳисобидан охиргиси бўлади. Шу боис мавсумни яхши кайфиятда якунлашга ҳамюртларимиз ҳаракат қилишлари аниқ. Саудия Арабистони бу тур дам олади. Орамиздаги фарқ 2 очколигидан фойдаланиб, мартда бошланадиган саралаш баҳсларига қадар биринчи ўринда бўлишимиз мумкин. Бунинг учун футболчиларимиздан ғалаба кутиб қоламиз.