O‘zbekiston pankration va greppling terma jamoasining Butunjahon jangovar o‘yinlarida ishtirok etuvchi tarkibi bilan tanishing!(Foto)

20-30 oktyabr kunlari Saudiya Arabistonining Ar-Riyod shahri Butunjahon jangovar o‘yinlariga mezbonlik qiladi. Mazkur musobaqada O‘zbekiston pankration va greppling terma jamoasi ham ishtirok etadi. Ma’lumki, O‘zbekiston Pankration va greppling assotsiatsiyasi joriy yil avvalida tashkil etildi va ilk urinishdayoq jahon chempionatini Toshkentda o‘tkazilishiga erishdi. Shuningdek, hozirgi kunga kelib, uchta nufuzli turnir tashkil etildi. Jumladan, Farg‘ona shahrida "Yangi O‘zbekiston" kubogi, Samarqandda pankration bo‘yicha "Ipak yo‘li" va Qo‘qon shahrida greppling bo‘yicha "Qo‘qon Open" turnirlari yuqori saviyada o‘tkazildi. Toshkentda bo‘lib o‘tgan jahon chempionatida o‘zbekistonlik pankration va greppling ustalari bir nechta yo‘llanmalarni qo‘lga kiritgan edi. 18 oktyabr kuni O‘zbekiston pankration va greppling assotsiatsiyasi tomonidan ushbu turnirga bag‘ishlangan brifing tashkil etildi va ularga yo‘llanmalar taqdim etildi.
Quyida, Ar-Riyod shahrida yurtimiz sharafini himoya qiluvchi pankration va grepplingchilarimiz bilan tanishing!