Ўзбекистон спорт ва жанговар самбо терма жамоаси ўқув-машғулот йиғинларини бошлади

Ўзбекистон самбо ассоциацияси томонидан Тошкент вилоятининг  тоғли “Чорвоқ” ҳудудида спорт ва жанговар самбо терма жамоалари учун ўқув-машғулот йиғинлари ташкил этилмоқда. Мазкур йиғин 7 августдан старт олди ва катта мураббий Роман Шакиров, Жаҳонгир Қорабоев ҳамда қизлар мураббийи Екатерина Близнецова бошчилигида 21 августга қадар давом этади. Бу тайёргарлик босқичида бир қатор таниқли самбо усталари ҳам иштирок этмоқда. Жумладан, жаҳон чемпионлари Истам Қудратов, Ҳаким Исмоилов, Зафар Худойберганов, Фурқат Рўзиев, Давлат Ҳамраев, Неъмат Ёқубов, Ҳожиакбар Юлдашевни таъкидлаб ўтиш лозим.

Мураббий Жаҳонгир Қорабоевнинг сайтимизга маълум қилишича, мазкур йиғин бевосита Ўзбекистон самбо ассоциацияси раҳбари Алишер Алимов ташаббуси билан ташкил қилинган бўлиб, ушбу ўқув-машғулот жараёни терма жамоа аъзоларининг жимоний ҳолатини бир маромда ушлаб туриш ва олдинда кутилаётган турнирларга яхши ҳозирлик кўриш учун хизмат қилади.  

жаҳон ака

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар