Ўзбекистон терма жамоаси яна Россия билан ўртоқлик учрашуви ўтказиши мумкин

Ўзбекистон футбол ассоциацияси вице-президенти Одил Аҳмедов Россия терма жамоаси билан реванш жанги ўтказиш имконияти ҳақида гапирди.

"Биз РФУ билан ҳамкорлик қиляпмиз, аммо жавоб ўйини учун ҳали музокаралар олиб бормадик. Шу йилнинг ноябрь ойида ўйин ўтказишнинг иложи йўқ - терма жамоамизнинг ЖЧ-2026 саралаш ўйинлари бор. Аммо келаси йил ФИФА кунларида ўртоқлик ўйинлари учун рақиблар қидирамиз.

Россия терма жамоаси билан жавоб ўйини бўлиши мумкин ва Ўзбекистон жавоб ўйинини Москва ёки Россиянинг бошқа шаҳрида ўтказишга қарши эмас. Шунингдек, Россия томони билан U17 терма жамоалари учун жавоб ўртоқлик ўйинларини ташкил этиш борасида ҳам гаплашамиз", - дея Аҳмедовнинг сўзларини келтиради "Sport24" нашри.

Эслатиб ўтамиз, ўтган йилнинг ноябрь ойида Ўзбекистон ва Россия терма жамоалари Тошкентда тўқнаш келиб, голсиз дуранг қайд этган эди.

Фикрлар

Саралаш
Фикр қолдириш учун авторизациядан ўтинг!
Nodirjon Madaminov
27/10/2023 20:57
Past ketmanglar iltimos. Rossiya bizni darajamizdagi jamoa emas. Hamma ular bilan o'yindan qochyapti. Yevropaning kuchli jamoalari bilan o'yin tashkil qilish kerak. Rossiya esa Zanzibar, Nikaragua, Eritreya kabi jamoalar bilan o'ynab yuraversin.
Жавоб ёзиш