Ўзбекистон Хитойни кичик ҳисобда таслим этди ва 4 та жамоа қатнашган мусобақада 3-ўринни қўлга киритди

Бугун Ўзбекистон миллий терма жамоаси "China Cup" турнири 3-ўрини учун баҳс олиб борди. Ҳамюртларимизга мезбон Хитой қаршилик кўрсатди.

Қийин кечган беллашувда вакилларимиз Элдор Шомуродовнинг ягона голи эвазига зафар қучишди ва мусобақада 3-ўринни қўлга киритишди.

ХИТОЙ - ЎЗБЕКИСТОН 0:1

Гол: Элдор Шомуродов 35

Ўзбекистон: Санжар Қувватов, Акмал Шораҳмедов, Анзур Исмоилов, Ислом Тўхтахўжаев, Олег Зотеев, Одилжон Ҳамробеков, Отабек Шукуров, Жавоҳир Сидиқов, Икромжон Алибоев, Жалолиддин Машарипов, Элдор Шомуродов.

Захира: Акбар Тўраев, Жавоҳир Илёсов, Достонбек Турсупов, Одил Аҳмедов, Марат Бикмаев, Достонбек Ҳамдамов, Давронбек Ҳошимов, Темурхўжа Абдухолиқов, Фарруҳ Сайфиев, Егор Кримец, Сардор Мирзаев.

• 90+2'
  

  Қўшимча дақиқаларда хитойликлар ҳужумлар уюштиришди. Аммо ҳисобни тенглаштира олишмади.

  Шу тариқа Эктор Купер Фабио Каннаварони ўзи айтганидек мағлубиятга учратди ва 4 та жамоа қатнашган мусобақада 3-ўринни қўлга киритди.

• 90+2'

  Ўйинга 2 дақиқа қўшиб берилди

• 89'

  Достонбек Ҳамдамов жуда ҳам яқин масофадан тўпни тўрга кирита олмади.

• 88'

  Одил Аҳмедов чап қанотдан ҳаволатиб узатилган тўпни боши билан дарвозага йўналтирди. Аммо рақиб посбони ўз ўрнида. Зарба ҳам кучли чиқмади.

• 867'

  Ўйин тугашига бир неча дақиқа қолди. Хитойликлар босимни оширишмоқда

• 82'

  Шораҳмедов рақиб жарима майдончаси ичида Аҳмедовга тўпни жуда қулай тарзда етказиб берганди. Аммо Одилнинг чап оёқдаги зарбаси ноаниқ чиқди

• 78'

  Ўзбекистон терма жамоаси рақибни жарима майдончаси ичига қамаб, хоҳлаганча ҳужум ташкил қилмоқда.

• 72'
  

  Элдор Шомуродов ўрнига Темурхўжа Абдухолиқов майдонга тушди

• 71'

  Ҳамдамов майдонга тушиши билан хавфли вазият яратди. Аммо Шомуродов тўпни ўзига бўйсундира олмади

• 69'
  

  Жавоҳир Сидиқов ўрнига Достонбек Ҳамдамов майдонга тушди

• 67'

  Навбатдаги ҳужумимиз Зотеевнинг ноаниқ зарбаси билан якунланди. Аммо голдан дарак йўқ

• 65'

  Очиқ ўйин бошланиб кетди. Ўзбекистон ҳам, Хитой ҳам кетма кет ҳужумлар ташкил қилишмоқда

• 63'

  Яна бир ҳужум. Дастлаб Зотеев тўпни Сидиқовга етказиб берди. Жавоҳир зарба беришга улгурмади, ҳимоячилар тўпни қайтаришди. Қайтган тўнпи эгаллаб олган Одил Аҳмедов кучли забрба йўллади. Аммо ноаниқ

• 59'

  Шомуродов рақибни хатосидан фойдаланиб, тўпни олиб қўйди ва Машариповни олдинга бошлади. Хитойлик футболчилар тўпни майдон ташқарисига чиқариб юборишди

• 53'

  Жавоҳир Сидиқов ажойиб тарзда рақибини алдаб тўпиб, ҳаводаги тўпни тўхтатмасдан дарвозага кучли зарба йўллади. Аммо ноаниқ

• 51'

  Жалолиддин Машарипов нафақат ҳужумда, балки ҳимояла ҳам фаол ўйнамоқда. У рақибнинг хавфли ҳужумини тўхтатиб қолди

• 47'

  Иккинчи бўлимни ҳужум билан бошладик. Алибоев тўп учун рақиб билан курашди. Аммо ҳимоячи тўпни майдон ташқарисига чиқариб юборди

• 46'

  Иккинчи тайм бошланди.

• 45'
  

  Биринчи бўлим якунланди

• 41'
  

  Одил Аҳмедов жароҳат олган Отабек Шукуровнинг ўрнига майдонга тушди

• 42'

  Бу орада Хитой хавфли ҳужум ташкил қилди. Дастлаб Зотеев тўпни қайтаришга муваффақ бўлди. Кейин рақибларимизнинг узоқдан йўллаган зарбаси ноаниқ чиқди

• 38'

  Шифокорлар Отабек Шукуровни алмаштириш кераклигини кўрсатишмоқда

• 37'

  Голдан руҳланган терма жамоамиз аъзолари яна олдинга ўтишаётганди. Аммо хитойликлар Шукуровни қўполлик билан тўхтатишди. Отабекка тиббий ёрдам кўрсатилмоқда

• 35'
  

   Отабек Шукуров ўнг қанотдан Элдор Шомуродовга тўпни ҳаволатиб оширди. У жарима майдонига ёриб кириб, дарвозага кучли зарба йўллади. Дарвозабон унинг зарбаси олдида ожиз қолди. 1:0! Ҳисобда олдинга чиқиб олдик

• 30'

  Анзур майдон марказида тўпни олдириб қўйишига бир баҳя қолди. Ҳимоячимиз хитойлик рақибига қўполлик ишлатди. Ҳакам фол қайд этди

• 24'
  

  Машарипов жарима майдончаси яқинида йиқитилди. Жаримадан тўпни Алибоев йўллади, аммо тўп жонли деворга тегиб қайтди. Яна бурчак зарбаси ишладик. Ўйиндаги устунлик биз томонга ўтган

• 15'

  Чап қанотдан ошириб берилган тўпни Элдор Шомуродов боши билан дарвозага йўллади. Аммо анча ноаниқ

• 17'

  терма жамоамизнинг ўйинида мураббийнинг қўли кўринмаяпти. Фақатгина футболчиларнинг маҳорати эвазига ўйин ташкил этилмоқда

• 14'

  Тўп назорати Хитой терма жамоасига ўтди

• 13'

  Хитой қарши ҳужумга ўтиб кетаётганди, вакилларимиз майдон марказидаёқ тўпни рақибдан олиб қўйишди. Хитой жонланмоқда

• 10'

  Вакилларимиз девор услубида яхши ҳужум ташкил қилишганди. Аммо Шомуродов ўз вақтида тўпни жамоадошларига етказиб беролмади. Натижада тўп майдон ташқарисига чиқиб кетди

• 8'

  Машарипов рақибдан тўпни олиб қўйиб, Жавоҳирни олдинга бошлаган эди. Аммо Сидиқовнинг кейинги узатмаси ноаниқ чиқди.

• 6'

  Хитойнинг хавфли ҳужумини ҳимоячиларимиз бу сафар қийинчилик билан қайтаришди

• 5'

  Хитой ўнг қанотдан ҳужм ташкил қилди. Аммо Анзур Исмоилов хотиржамлик билан ўйин қоидасини бузмасдан бу ҳужумни бартараф этди.

• 3'

  Ўзбекистон ҳужумга ҳужум билан жавоб қайтарди. Шукуровнинг ўнг қанотдан узатган тўпи майдон ташқарисига чиқиб кетди.

• 1'

  Ўйин бошланди. Хитой дастлабки ҳужумни амалга оширди. Аммо ҳимоячиларимиз хавфни бартараф этишди.

• *'

  "China cup-2019". Ўзбекистон - Хитой учрашуви бошланиш арафасида.
Бугун Анзур Исмоилов терма жамоа сардори сифатида жамоадошларини майдонга бошлаб тушмоқда. Хитойга қарши ўйин Анзур учун Ўзбекистон миллий терма жамоаси таркибидаги 100-учрашув бўлади. Шу муносабат билан унга миллий терма жамоа менежери Диёр Исаметдинов томонидан "100" рақами туширилган махсус футболка совға қилинди. Анзурни бугунги юбилей учрашуви билан табриклаймиз!