Ўзбекистонда футзални ривожлантиришнинг стратегияси ишлаб чиқилмоқда

Ўзбекистонда футзал спорт турининг шу кунга қадар эришилган натижалари билан бир қаторда ечимини кутаётган тизимли муаммолари кузатилмоқда. Яқинда Ўзбекистон футзал федерациясига асос солинди. Айни пайтда яқин ва узоқ муддатларга мўлжалланган Ўзбекистонда футзални ривожлантиришнинг стратегияси ишлаб чиқилмоқда. 

"Мазкур стратегияни амалга ошириш доирасида янгиланаётган Ўзбекистоннинг жаҳон спорт ҳамжамиятидаги нуфузи ва обрў-эътиборини янада оширишга эришиш Федерациянинг мутлоқ устувор вазифаси бўлиб қолади. 

Ўзбекистон футзал федерацияси раҳбарияти соҳа ривожига бефарқ бўлмаган юртдошларимиз, футбол ва футзалимизнинг фидойи мураббийлари ва мутахассисларининг фикр-мулоҳазалари, таклиф ва тавсияларини эшитишга тайёр", - дея ёзди футзал матбуоти.