Ўзил Роналду ҳақида сўраган мухлисга ғалати жавоб берди

"Реал" ва "Арсенал" клубларининг собиқ футболчиси Месут Ўзил "қироллик клубида”ги собиқ жамоадоши Криштиану Роналду ҳақида гапирди.

Мухлислардан бири германиялик футболчидан Роналду билан бир жамоада ўйнаш қандай бўлишини сўради. Бунга Месут шундай жавоб берди: "Унинг ўзидан сўранг, мен билан у ўйнаган".

Ўзил ҳозир Туркия чемпионатида Истанбулнинг “Башакшеҳир” жамоасида ўйнамоқда. У ушбу жамоа сафига ўтган йилнинг ёзида келиб қўшилганди. Ярим ҳимоячи жорий мавсум тўртта ўйинда майдонга тушиб, гол ура олмади.