"Пахтакор" "Насаф"га қарши ўйинларда нохуш анъанани давом эттирмоқда. Бугун бу серия ниҳоясига етадими?

Бугун Суперлиганинг 29-туридан ўрин олган марказий баҳс бўлиб ўтади. Унда "Пахтакор" ва "Насаф" жамоалари ўзаро куч синашади.

"Шерлар" Суперлига доирасида 7 ўйиндан бери "аждарлар" устидан ғалаба қозона олмаяпти ва ғалабасиз серияни давом эттирмоқда.  Бу учрашувларнинг 3 тасида қаршиликлар ғолиб чиққан, қолган 4 та беллашув дуранг билан якунланган.

Маълумот учун, бу икки жамоа ўртасидаги бугунги тўқнашув соат 18:15'да старт олади ва "Спорт ТВ" орқали жонли эфирда намойиш этилади.